27 may 2010-cu il tarixdə Azərbaycan Respublikasının Ailə, Qadın və Uşaq Problemləri üzrə Dövlət Komitəsi Suraxanı rayonu İcra Hakimiyyəti ilə birgə”1 iyun-Uşaqları Beynəlxalq Müdafiə Günü” münasibəti ilə Heydər Əliyev parkında “Sağlam ailə-Sağlam nəsil” adlı bayram şənliyi təşkil etmişdir.

 

Musiqili fəvvarələr quraşdırılmış medana toplaşan çoxsaylı uşaqları və  Bayram şənliyində iştirak edən iştirakçı ailələri, uşaqları salamlayan Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva və Suraxanı rayon İcra Hakimiyyəti başçısının müavini Əhməd Talıbov ”1 iyun-Uşaqları Beynəlxalq Müdafiə Günü” münasibəti ilə uşaqları təbrik etdilər, ölkə başçısı möhtərəm Prezidentimiz cənab İlham Əliyevin  və Heydər Əliyev Fondunun Prezidenti,YUNESKO və İSESKO-nun Xoşməramlı səfiri, Milli Məclisin deputatı Mehriban xanım Əliyevanın uşaqlara göstərdikləri diqqət və qayğı haqqında danışdılar.Sonra uşaqlar fəvvarələrin ətrafında 200 nəfəlik amfiteatrı olan meydanda konsert  proqramı ilə çıxış etdilər.
Bayram tədbiri çərçivəsində ailələr və uşaqlar arasında müxtəlif yarışlar keçirildi, “Anamız, atamız və biz”,   “Torpaqda qaçış”,   “Genealoji ağac”, “Bataqlıq hörümçəyi toru” və digər müsabiqələrin qalibləri müəyyənləşdirildi.Yarışda iştirak edən ailələrə diplom və qiymətli hədiyyələr təqdim olundu.