21 may 2010-cu il tarixdə Suraxanı Rayon İcra Hakimiyyətinin başçısı İlqar Abbasovun sakinlərlə növbəti səyyar görüşü olmuşdur.

Yeni Günəşli “V” yaşayış sahəsi 1 saylı binanın qabağında sakinlərlə keçirilən növbəti görüşə gələn rayon rəhbəri onları narahat edən məsələlərə aydınlıq gətirmiş, rayonda  aparılan abadlıq-quruculuq işləri haqqında müfəssəl məlumat vermişdir.Görüşün keşirildiyi ünvanda yaşayan sakinlərdən bir neçəsi suyun verilməsində məhdudiyyətlərin olduğunu, qışda bəzi mənzillərində istiliyin olmamasını diqqətə çatdırmışlar.Onlara izah olunmuşdur ki, payız-qış mövsümündə yaşadıqları binalarda aşağı paylayıcılara qədər istilik mərkəzləşdirilmiş qaydada “Azəristiliktəchizat”ASC tərəfindən çatdırılır, lakin sakinlərin əksəriyyəti mənzillərdə istilik borularını kəsərək ləğv etdiyindən mənzillər istilik almır.İstilik almaq üçün sakinlər özləri mənzildaxili istilik xətlərini bərpa etməlidirlər.Sakinlərdən Kazımov Pənalı, Axundov Rəsul mənzillərə verilən təbii qazın təzyiqinin aşağı olduğunu bildirmişlər.Görüşdə sakinləri narahat edən kommunal problemlərlə bağlı digər məsələlərə də aydınlıq gətirilmişdir.Rayon İcra Hakimiyyətinin başçısı adiyyəti qurumların rayon yerli bölmələrinin rəhbərlərinə müvafiq tapşırıqlar verilmişdir. Görüşdə 70 nəfərə yaxın sakin və RİH başçısı aparatının məsul işçiləri, hüquq-mühafizə orqanlarının,  xidmət sahələrinin rəhbərləri iştirak etmişdir.