30 aprel 2010-cu il tarixdə Bülbülə qəsəbəsində “Şəffaflığın artırılması və korrupsiyaya qarşı mübarizə üzrə Milli Strategiya və onun həyata keçirilməsi haqda 2007-2011-ci illərə dair fəaliyyət planı”nın icrası məqsədi ilə növbəti seminar-treninq keçirilmişdir.

Tədbiri giriş sözü ilə açan Rayon İcra Hakimiyyəti başçısının müavini Əhməd Talıbov bildirmişdir ki, “Şəffaflığın artırılması və korrupsiyaya qarşı mübarizə üzrə Milli Strategiya və onun həyata keçirilməsi haqda 2007-2011-ci illərə dair fəaliyyət planı”na əsasən Rayon İcra Hakimiyyəti başçısının sərəncamı ilə Fəaliyyət planı təsdiq edilmişdir. Fəaliyyət planına müvüfiq olaraq rayon ictimaiyyətinin, büdcə təşkilatlarının və yerli özünüidarəetmə orqanlarının məsul işçilərinin iştirakı ilə rayonun bütün qəsəbələrində seminar- treninqlər keçirilir.Bugünkü tədbir də adıçəkilən Fəaliyyət planına əsasən keçirilən növbəti tədbirdir.Daha sonra rayon İcra Hakimiyyəti başçısı aparatının Hüquq şöbəsinin müdiri Elşən Zahirli çıxış etmişdir. Elşən Zahirli şəffaflığın artırılması və korrupsiyaya qarşı mübarizə üzrə Milli Strategiyanın həyata keçirilməsi ilə bağlı tədbirdə iştirak edən dövlət qulluqçularına, ictimai təşkilatların və yerli özünüidarəetmə orqanlarının məsul işçilərinə ətraflı məlumat vermişdir.Tədbirin sonunda  Rayon İcra Hakimiyyəti başçısının müavini Əhməd Talıbov və RİHBA-nın şöbə müdiri Elşən Zahirli iştirakçılar tərəfindən verilmiş sualları ətraflı cavablandırmışlar.