2010-cu ilin ötən dövrundə də əvvəlki illərdə olduğu kimi vətəndaşların müraciətlərinə baxılması, səyyar görüşlərin keçirilməsi işinə Suraxanı rayon İcra Hakimiyyətində xüsusi diqqətlə yanaşılmışdır.

Bu müddətdə Rayon İcra Hakimiyyətinə 757 ərizə və 669 xidməti sənəd daxil olmuş, RİH-in başçısı tərəfindən 339 nəfər vətəndaş qəbul edilmişdir.İş planına uyğun olaraq rayon İcra Hakimiyyətinin başçısı tərəfindən keçirilən səyyar görüşlərin davamı olaraq 2010-cu il ərzində ümumilikdə 360 sakinin iştirak etdiyi 7 belə görüş keçirilmiş,  qaldırılan məsələlərin həlli yolları birgə müzakirə edilərək aidiyyəti idarə və təşkilatların rəhbərlərinə müvafiq tapşırıqlar verilmişdir.
14 may tarixdə Yeni Suraxanı qəsəbəsi X.Ələkbərov küşəsində 85 saylı orta ümumtəhsil məktəbinin qarşısında Suraxanı RİH-in başçısının sakinlərlə növbəti səyyar görüşü olmuşdur.Sakinlərlə görüşə gələn rayon rəhbəri onları narahat edən məsələlərə aydınlıq gətirmişdir. Görüşdə iştirak edən sakinlər İsmayılov Zakir, Əzizova Reyhan, Məmmədova İradə, Mustafayeva Hafizə, Abidova Nənəqız qış fəslində qaz, enerji təchicatında müəyyən çətinliklərin olduğunu qeyd etmişlər. Sakinlərin diqqətinə çatdırılmışdır ki, bu yaşayış sahəsinin su, qaz, enerji təchizatının yaxşılaşdırılması və məhəllədaxili yolların asfalt örtüyü ilə örtülməsi istiqamətində işlər görülür.Sakinləri narahat edən kommunal problemlərlə bağlı digər məsələlərə də görüşdə aydınlıq gətirilmiş və adiyyəti qurumların rayon yerli bölmələrinin rəhbərlərinə müvafiq tapşırıqlar verilmişdir.
     Səyyar görüşdə 60 nəfər sakin və RİH başçısı aparatının məsul işçiləri, xidmət sahələrinin rəhbərləri iştirak etmişdir.