226 bənddən ibarət “2010-cu il ərzində Suraxanı rayonunda görüləcək işlər haqda Tədbirlər planı”nın layihəsi hazırlanmışdır.
Tədbirlər planına əsasən 2010-cu ildə Suraxanı rayonunda:
2009-cu ildə icrası başlanılmış işlərin davam etdirilməsi, Heydər Əliyev Prospektinin Suraxanı rayonunun ərazisindən keçən hissəsinin və Zığ dairəsi-Heydər Əliyev Beynəlxalq Hava Limanı avtomobil yolunun ətrafının abadlaşdırılması və yaşıllaşdırılması, yeni parkların salınması işlərinin başa çatdırılması;
Qəsəbələrdə 3 yeni parkın, 14 nümunəvi abad məhəllənin, 5 nümunəvi idman meydançasının salnması, mövcud parkların yenidən qurulması, veteranlar üçün 2 istirahət guşəsinin tikilməsi, 3 vətəndaş mərasimləri binasının, 3 Şəhid xatirə kompleksinin tikilməsi;
Rayon ərazisindəki küçə, yol və məhəllədaxili ərazilərə asfalt salınması;
Mühəndis kommunikasiya xətlərinin əsaslı təmiri, korroziyaya uğramış xətlərin dəyişdirilməsi və yenilərinin çəkilməsi;
Çoxmərtəbəli yaşayış binalarında yeni liftlərin quraşdırılması, mövcud liftlərin əsaslı təmiri;
Qəzalı yaşayış və məktəb binalarının əsaslı təmiri;
Küçələrin işıqlandırılması;
Yeni yaşıllıq zolaqlarının salınması və ağacların əkilməsi;
1 200 fərdi yaşayış evinin elektrik enerjisi, 1 530 fərdi yaşayış evinin qaz, 3 390 fərdi yaşayış evinin su təchizatının yaxşılaşdırılması, 1 730  fərdi yaşayış evinin yeni kanalizasiya şəbəkəsinə qoşulması nəzərdə tutulmuşdur.